Regjistri i Kërkesave dhe Përgjigjeve

Objekti i kërkesës[3]

Tarifa[7]

Ju lutem te gjeni me poshtë linkun e Rregullores se Brendshme te Shkollës se Magjistraturës ne përgjigje te kërkesës suaj për informacion. 

https://www.magjistratura.edu.al/sq/rregullore-e-brendshme

Për sa i përket tarifës se regjistrimin ne provimin e pranimit për magjistratë/ndihmës ligjore dhe këshilltarë, tarifa është 12000 ALL.

Ne zbatim te nenit 10, pika 1, te Rregullores se Brendshme te Shkollës se Magjistraturës, ju informojmë si me poshtë:

1. Shkolla e Magjistraturës, brenda 1 (një) jave kalendarike nga data e përcaktimit dhe e publikimit të numrit maksimal të kandidatëve për magjistratë, nga Këshilli i Lartë Gjyqësor, për kandidatët për gjyqtarë dhe nga Këshilli i Lartë i Prokurorisë, për kandidatët për prokurorë, por jo më vonë se data 1 shkurt, shpall njoftimin për paraqitjen e kërkesave të aplikantëve për të konkurruar në provimin e pranimit, duke bërë të njohur datën e provimit, dokumentet që duhet të shoqërojnë kërkesat, datën e mbarimit të afatit për paraqitjen e tyre, si dhe programin e provimit të pranimit.

Referuar në nenin 28, germa "ç", me titull "Kriteret e pranimit në formimin fillestar”, të ligjit Nr.96.2016 "Për statusin e prokurorëve dhe gjyqtarëve në Republikën e Shqipërisë", si dhe nenit 10, pika 4, germa “f” në Rregulloren e Brendshme të Shkollës së Magjistraturës thuhet  shprehimisht se: " f ”          ka të paktën tre vjet përvojë profesionale aktive me kohë të plotë si jurist, pas diplomimit në ciklin e plotë të studimeve universitare, në sistemin gjyqësor ose të prokurorisë, në administratën publike, profesionet e lira ligjore, mësimdhënie në fakultetet e drejtësisë, ose në çdo pozicion tjetër të barasvlershëm me to, në sektorin privat ose organizatat ndërkombëtare.

Sa më sipër, bazuar në nenin 30, me titull “Kandidimi dhe vlerësimi paraprak i kandidatëve”, i ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, si dhe bazuar në nenin 10, pika 4, germa “f” i Rregullores së Brendshme, Shkolla e Magjistraturës nuk mund t'ju konfirmojë njohjen ose jo të punësimit tuaj, pasi ky vlerësim, i cili i referohet përftimit të vjetërsisë në punë si jurist, bazuar në nenin 12  pika 1 të Rregullores së Brendshme të Shkollës së Magjistraturës kryhet mbi bazë dokumentesh (nëse nuk dalin të qarta duhet të kenë dokumentacion vërtetues) nga një Komisioni i caktuar, dhe në afatin kohor të cilin ligji përcakton për vlerësimin dhe pranimin e dokumentacionit, i cili përkon me muajin shkurt të çdo viti.

Në përgjigje të kërkesës suaj dërguar në adresën info@magjistratura.edu.al, datë 6.9.2024, ju bëjmë me dije se:

Bazuar në nenin 28, "Kriteret e pranimit në formimin fillestar", nenin 30 "Kandidimi dhe vlerësimi paraprak i kandidatëve" të ligjit Nr.96.2016 "Për statusin e prokurorëve dhe gjyqtarëve në Republikën e Shqipërisë", si edhe nenit 11 "Dokumentet që paraqiten", pika 1, e nenit 12 "Vlerësimi paraprak i kandidatëve", të Rregullores së Brendshme të Shkollës së Magjistraturës, ju informojmë si vijon :

1. Në lidhje me pyetjen e parë, për njohjen dhe vlefshmërinë e certifikatës së gjuhës së huaj, ju duhet të paraqisni një certifikatë të njërës prej gjuhëve të huaja me llojin e diplomës /certifikatës të përcaktuar në listën e dokumentacionit të parashikuar në Rregulloren e Brendshme dhe publikuar në faqen zyrtarë të Shkollës së Magjistraturës (https://www.magjistratura.edu.al).
2. Në lidhje me pyetjen e dytë për sa i përket rekomandimeve për gjatë tre viteve të fundit të punës, në rastin që jeni i vetëpunësuar, mund të sillni një rekomandim nga Dhoma Kombëtare e Avokatisë mbi ecurinë tuaj disiplinore gjatë ushtrimit të funksionit të avokatit në 3 vitet e fundit ose diçka të ngjashme. Seksioni on line duhet të plotësohet.
3. Në lidhje me pyetjen e tretë, për paraqitjen e një vërtetimi nga punëdhënësi për masat disiplinore në fuqi ju duhet të paraqisni patjetër një vërtetim nga Dhoma Kombëtare e Avokatisë  si subjekt i licencuar nga kjo strukturë por edhe në rast kur keni një masë disiplinore nga institucionet ku keni punuar dhe që akoma nuk është shuar.

Në çdo rast, bazuar në dokumentacionin e dorëzuar nga ana juaj në fazën e aplikimit (gjatë muaji shkurt), lidhur me vlerësimin dhe pranimin e dokumentacionit do të shprehet Komisioni Vlerësimit të Dokumentacionit Paraprak, i caktuar nga Drejtori i Shkollës.

Në përgjigje të kërkesës suaj për informacion, datë 28.08.2024, ju informojmë se pas përfundimit të programit 3-vjeçar të formimit fillestar, të dhënat personale për të cilat ju interesoheni bashkë me vlerësimet e kandidatëve në të gjitha fazat e programit mësimor, Shkolla e Magjistraturës ia përcjell këshillave përkatës, KLGJ-së për kandidatët e diplomuar magjistratë në profilin gjyqtar,  dhe KLP-së për kandidatët e diplomuar magjistratë në profilin prokuror.

Shkolla nuk administron më të dhëna personale të kandidatëve të diplomuar.

Për sa më sipër, kërkesën për informacion ju lutem ta adresoni pranë këtyre dy këshillave.

Në përgjigje të kërkesës suaj për informim, ku kërkoni të informoheni nëse kualifikoheni për të konkurruar pranë Shkollës së Magjistraturës, për vitin akademik 2025-2026, mbi plotësimin e kriterit të 3 viteve përvojë profesionale aktive pas ciklit të plotë të studimeve, ju bëj me dije si më poshtë:

Bazuar në nenin 28 pika ç, e ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, ku janë të parashikuara kriteret, si dhe sipas nenit 10 pika f, të Rregullores së Brendshme të Shkollës së Magjistraturës, kandidati për magjistrat që do të regjistrohet për të marrë pjesë në provimin e pranimit në Shkollën e Magjistraturës ndër të tjera duhet të plotësojë kushtin:

1. të ketë të paktën tre vjet përvojë profesionale aktive me kohë të plotë si jurist, pas diplomimit në ciklin e plotë të studimeve universitare, në sistemin gjyqësor ose të prokurorisë, në administratën publike, profesionet e lira ligjore, mësimdhënie në fakultetet e drejtësisë, ose në çdo pozicion tjetër të barasvlershëm me to, në sektorin privat ose organizatat ndërkombëtare;

Periudha e llogaritjes së 3 viteve eksperiencë pune fillon pas përfundimit të ciklit të plotë të studimeve. Duke qenë që ju e keni përfunduar ciklin e plotë të studimeve më datë, 28.9.2022, ju nuk e plotësoni kushtin për të marrë pjesë në provimin e pranimit për vitin akademik 2025-2026.

14.

08.2024

Në përgjigje të e-mailit tuaj ju informojmë si më poshtë:

Në aneksin 7 pika e, të Rregullores së Brendshme të Shkollës së Magjistraturës parashikohet se: e) Kandidati për magjistrat, gjatë të tri viteve të Programit të Formimit Fillestar, nuk mund të angazhohet në aktivitete të tjera profesionale, qoftë edhe në veprimtari mësimdhënëse;

Për rrjedhojë dukë pasur në vëmendje këtë, ju nuk mund të ndiqni asnjë program tjetër studimi gjatë periudhës që do të jeni kandidat për magjistrat në Programin e Formimit Fillestar në Shkollën e Magjistraturës.

Ne zbatim te ligjit 98/2016 dhe 115/2016, vendet vakante për profilet avokat shteti dhe kancelar gjykate shpallen përkatësisht nga organet kompetente Avokatura e Shtetit dhe Këshilli i Lartë Gjyqësor. 

Pas shpalljes, Shkolla e Magjistraturës organizon provimin e pranimit ne Programin e Formimit Fillestar. 

Për këtë arsye, ju sugjerojmë te interesoheni pranë KLGJ-se dhe ASH-se për sa i përket shpalljes për këto profile.

Në vijim të komunikimit elektronik, lidhur me saktësimin e asaj që kërkohet të informohet personi i Juaj, ju bëjmë me dije se:
Referuar nenit 28, germa "ç", me titull "Kriteret e pranimit në formimin fillestar”, të ligjit Nr. 96/2016 "Për statusin e prokurorëve dhe gjyqtarëve në Republikën e Shqipërisë", rezulton shprehimisht se: "ç) ka të paktën tre vjet përvojë profesionale aktive me kohë të plotë, pas përfundimit të studimeve të integruara në drejtësi sipas shkronjës “c” të këtij neni, në sistemin gjyqësor ose të prokurorisë, në administratën publike, profesionet e lira ligjore, mësimdhënie në fakultetet e drejtësisë, ose në çdo pozicion tjetër të barasvlershëm me to, në sektorin privat ose organizatat ndërkombëtare."

Referuar neni 10, germa “f”, me titull “Regjistrimi i kandidatëve për magjistratë dhe kriteret e pranimit”, të Rregullores së Brendshme të Shkollës Magjistraturës rezulton shprehimisht se: “f) ka të paktën tre vjet përvojë profesionale aktive me kohë të plotë si jurist, pas diplomimit në ciklin e plotë të studimeve universitare, në sistemin gjyqësor ose të prokurorisë, në administratën publike, profesionet e lira ligjore, mësimdhënie në fakultetet e drejtësisë, ose në çdo pozicion tjetër të barasvlershëm me to, në sektorin privat ose organizatat ndërkombëtare;

Për rrjedhojë llogaritja e afatit 3 vjeçar të përvojës së punës fillon në momentin e përfundimit të ciklit të plotë të studimeve, pra pas përfundimit të (ciklit 3 vjeçar Bachelor dhe 2 viteve Master), ose sipas sipas sistemit 4 vjeçar (studimeve të integruara në drejtësi........)

Për sa i përket punës si jurist ato janë specifikuar si më sipër.
(Puna si jurist duhet të dalë e qartë, nëse nuk del për ta saktësuar duhet të sillni dokumentacion vërtetues.)

Në përgjigje të kërkesës për informacion të ardhur nga ana juaj, me datë 11.05.2024, me anë të postës elektronike, ju informojmë se:

Bazuar në nenin 266 pika 10, të ligjit 115/2016 “Për Organet e Qeverisjes së Sistemit të Drejtësisë”, “Këshilli i Lartë Gjyqësor dhe Këshilli i Lartë i Prokurorisë kryejnë verifikimin e pasurisë dhe të figurës së konkurrentëve, në përputhje me ligjin “Për statusin e gjyqtarëve dhe prokurorëve në Republikën e Shqipërisë” dhe i dërgojnë Shkollës së Magjistraturës listën përfundimtare të kandidatëve të pranuar”.

 Në nenin 32 pika 1, të  ligjit 96/2016 “Për Statusin e Gjyqtarëve dhe Prokurorëve në Republikën e Shqipërisë”,  thuhet se: “Kandidatët me rezultatet më të larta në listën e publikuar, sipas përcaktimeve të nenit 31, të këtij ligji, të cilët mund të pranohen në formimin fillestar të Shkollës së Magjistraturës, i nënshtrohen verifikimit të plotë të pasurisë dhe figurës”.

Për rrjedhojë, Shkolla e Magjistraturës nuk është organi kompentent, i cili merret me pastërtinë e figurës për kandidatët që hyjnë në Programin e Formimit Fillestar 3 vjeçar, por Shkolla u siguron formimin profesional magjistratëve të ardhshëm Gjyqtar dhe Prokuror.

Në përgjigje të kërkesës për informacion të ardhur nga ana juaj, me datë 11.05.2024 me anë të postës elektronike, ju informojmë se:

Bazuar në ligjin 115/2016 “Për Organet e Qeverisjes së Sistemit të Drejtësisë”, si dhe në ligjin 96/2016 “Për Statusin e Gjyqtarëve dhe Prokurorëve në Republikën e Shqipërisë”, konkurrentët të cilët marrin pjesë dhe dalin fitues në provimin e pranimit në Shkollën e Magjistraturës nuk u ndalohet ushtrimi i funksionit të tyre deri në momentin që ata dalin fitues dhe kalojnë verifikimin e pastërtisë dhe figurës nga Këshilli i Lartë Gjyqësor ose Këshilli i Lartë i Prokurorisë sipas profilit ku ata kanë fituar.

Në momentin e miratimit nga Këshillat, ata regjistrohen dhe nënshkruajnë një marrëveshje me Shkollën e Magjistraturës sipas aneksit 7 pika e, të Rregullores së Shkollës së Magjistraturës ku citohet se: “Kandidati për magjistrat, gjatë të tri viteve të Programit të Formimit Fillestar, nuk mund të angazhohet në aktivitete të tjera profesionale, qoftë edhe në veprimtari mësimdhënëse;

Për pasojë kandidatët fitues i shkëpusin marrëdhëniet e punës, në momentin e regjistrimit dhe nënshkrimit të marrëveshjes me Shkollën e Magjistraturën.

Në përgjigje të kërkesës suaj, për rishikim të tezës së fazës të parë, ju bëjmë me dije se, e drejta e ankimit është parashikuar në pikën 3.1 e në vazhdim të Aneksit 6 të Rregullores së Shkollës së Magjistraturës “Rregullat për administrimin dhe monitorimin e provimit të pranimit pranë Shkollës së Magjistraturës”, të cilat parashikojnë se:

3.1. Ankimi për rezultatet e Fazës Seleksionuese

3.1.1. Afati i ankimit. Konkurrentët kanë të drejtë të ushtrojnë të drejtën e ankimit brenda së njëjtës ditë/menjëherë sapo të shpallen rezultatet e fazës së parë të provimit.
3.1.2. Shqyrtimi i ankesave do të bëhet rast pas rasti nga administratori i provimit i mbikëqyrur nga ekipi teknik i vlerësimit kompjuterik apo grupi i punës së krijimit të fondit të tezave në prani të ankuesve/brenda 24 orëve.
3.1.3    Shkaqet e ankimit. Ankim do të ketë vetëm për:
- gabimet e leximit nga ana e kompjuterit për shkak të mos nxirjes fort me laps të shkronjës me përgjigjen e saktë.

Kërkesa juaj për të ushtruar të drejtën e ankimit, duhej bërë brenda kushteve dhe afateve të përcaktuara nga Rregullorja e Shkollës së Magjistraturës.

E drejta e informimit për ju dhe për publikun është realizuar nëpërmjet njoftimeve dhe informimeve që ka bërë Shkolla e Magjistraturës mbi procesin dhe rezultatet e tij në faqen e saj zyrtare.

Në përgjigje të kërkesës suaj për t’ju vënë në dispozicion çelësin e përgjigjeve dhe një kopje të provimit tuaj të fazës së parë, ju bëjmë me dije se, e drejta e ankimit është parashikuar në pikën 3.1 e në vazhdim të Aneksit 6 të Rregullores së Shkollës së Magjistraturës “Rregullat për administrimin dhe monitorimin e provimit të pranimit pranë Shkollës së Magjistraturës”, të cilat parashikojnë se:

3.1. Ankimi për rezultatet e Fazës Seleksionuese

3.1.1. Afati i ankimit. Konkurrentët kanë të drejtë të ushtrojnë të drejtën e ankimit brenda së njëjtës ditë/menjëherë sapo të shpallen rezultatet e fazës së parë të provimit.
3.1.2. Shqyrtimi i ankesave do të bëhet rast pas rasti nga administratori i provimit i mbikëqyrur nga ekipi teknik i vlerësimit kompjuterik apo grupi i punës së krijimit të fondit të tezave në prani të ankuesve/brenda 24 orëve.
3.1.3    Shkaqet e ankimit. Ankim do të ketë vetëm për:
-    gabimet e leximit nga ana e kompjuterit për shkak të mos nxirjes fort me laps të shkronjës me përgjigjen e saktë.

Kërkesa juaj për të ushtruar të drejtën e ankimit, duhej bërë brenda kushteve dhe afateve të përcaktuara nga Rregullorja e Shkollës së Magjistraturës.

E drejta e informimit për ju dhe për publikun është realizuar nëpërmjet njoftimeve dhe informimeve që ka bërë Shkolla e Magjistraturës mbi procesin dhe rezultatet e tij në faqen e saj zyrtare.