Shkolla e MagjistraturësShkolla e Magjistraturës, më datë 15 tetor 2025, po zhvillon aktivitetin trajnues me temë: “Marrja e statusit të të pandehurit. Akti i njoftimit të akuzës, karakteristikat. Pavlefshmëria e aktit të njoftimit të akuzës, pasojat e pavlefshmërisë. Ndryshimi, plotësimi dhe saktësimi i akuzës. Kuptimi dhe zbatimi i tyre në praktikë. Rimarrja e cilësisë së të pandehurit pas prishjes së vendimit dhe efektet ligjore.", pranë ambienteve të Shkollës së Magjistraturës, në Tiranë.
Ky aktivitet drejtohet nga:
Ekspertë: Sotir Kllapi dhe Klodian Kurushi
Lehtësues: Erlanda Agaj
Qëllimi i këtij trajnimi është: Të aftësohen magjistratët në zbatimin korrekt dhe sipas qëndrimeve të Gjykatës së Lartë, të dispozitave procedurale penale që lidhen akuzën, ndryshimin, plotësimin, saktësimin e saj dhe rimarrjen e cilësisë së të pandehurit, pas prishjes së vendimit..
Trajnimi po realizohet duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.
Gjatë këtij aktiviteti trajnues po trajtohen tema të ndryshme, si:
- Marrja e statusit të të pandehurit. Akti i njoftimit të akuzës, karakteristikat. Pavlefshmëria e aktit të njoftimit të akuzës, pasojat e pavlefshmërisë.
- Ndryshimi, plotësimi dhe saktësimi i akuzës. Kuptimi dhe zbatimi i tyre në praktikë. Rimarrja e cilësisë së të pandehurit pas prishjes së vendimit dhe efektet ligjor
- Standardet e GJEDNJ për akuzën. Raste praktike nga praktika e Gjykatës së Lartë.
Në këtë aktivitet trajnues marrin gjyqtarë, prokurorë dhe oficerë të policisë gjyqësore të Republikës së Shqipërisë.
