09.01.2025 - Mbledhja e Asamblesë së Kandidatëve për Magjistratë

Në zbatim të nenit 35 të Rregullores së Brendshme të Shkollës së Magjistraturës, Drejtori i Shkollës së Magjistraturës, më datë 11.12.2024, bëri thirrjen për mbledhjen e Asamblesë së Kandidatëve për Magjistratë, me rend dite "Zgjedhjen e anëtarit të Këshillit Drejtues nga radhët e kandidatëve për magjistratë”.

Pas thirrjes, anëtarët të cilët shfaqën interesin dhe u propozuan si kandidatë për anëtar në Këshillin Drejtues ishin:

1. Z. Gjergj Mati, kandidat për gjyqtar në vitin e parë akademik 2024-2025; 
2. Znj. Drenica Demiraj, kandidate për gjyqtare në vitin e tretë akademik 2024-2025; 
3. Z. Embro Ahmetaj, kandidat për gjyqtar në vitin e tretë akademik 2024-2025; 
4. Znj. Masila Lulaj, kandidate për prokurore në vitin e tretë akademik 2024-2025.

Më datë 7.1.2025 u organizua mbledhja dhe votimi për përzgjedhjen e anëtarit të Këshillit Drejtues nga radhët e kandidatëve për magjistratë. 

Të pranishëm ishin 110 kandidatë për magjistratë. 

Pas fjalës së mbajtur nga kandidatët për anëtar të Këshillit Drejtues, u zhvillua procesi i mbyllur (i fshehtë) i votimit. 

Në përfundim të procesit të numërimit të votave, kandidiati fitues u shpall z. Gjergj Mati, kandidat në vitin e parë akademik 2024-2025.