10 Nëntor 2016

 

Në vijim të aktiviteteve të organizuara nga Këshilli Rajonal i Bashkëpunimit, po zhvillohet në Beograd takimi rajonal i kordinimit të projekteve kombëtare, dypalëshe dhe rajonale në fushën e trajnimit gjyqësor. Takimi zhvillohet në përputhje me strategjinë e KRB për krijimin e një platforme apo rrjeti të institucioneve të trajnimit gjyqësor në rajon. Ky rrjet do të mundësojë mbështetjen ndërmjet institucioneve që lidhet me trajnimin e gjyqtarëve dhe të prokurorëve dhe do të gjenerojë një kuptim më të mirë të sistemeve të trajnimit gjyqësor në rajon, sfidat dhe sukseset e tyre. Njëkohësisht do të përmirësojë komunikimin dhe bashkëpunimin reciprok me institucionet Evropiane të trajnimit gjyqësor.

Ndër objektivat e trajnimit janë: paraqitja e projekteve të rëndësishme në fazën e zbatimit, identifikimi dhe eliminimi i pengesave për arritjen e rezultateve të parashikuara dhe forcimi i kapaciteteve dhe mbështetja institucionale për institucionet e trajnimit gjyqësor.